Kremldən səfərin əvvəlcədən planlaşdırılmadığı açıqlanıb

Yenixeber.org: Rusiya Prezidenti Vladimir Putin aprelin 17-də Xerson vilayətində və Luqanskda olub. Bu barədə Kremlin rəsmi nümayəndəsi Dmitri Peskov “SHOT Telegram” kanalına müsahibəsində deyib.

Qeyd edib ki, Putin qoşunların qərargahına baş çəkib.

Prezidentin mətbuat katibi dövlət başçısının səfərinin digər təfərrüatlarını açıqlamayıb.

Kremldən səfərin əvvəlcədən planlaşdırılmadığı açıqlanıb.

Putinin işğal edilmiş Ukrayna ərazilərinə səfər etdiyi bu gün səhər məlum olub. Xersonda Putin Hava-Desant Qoşunlarının komandanı, general-polkovnik Mixail Teplinskinin məruzəsini dinləyib. Luqanskda Aleksandr Lapin və digər yüksək rütbəli zabitlər döyüş bölgəsindəki vəziyyət barədə Putinə məruzə ediblər.

Bundan sonra Putinin işğal edilmiş bölgələrin qərargahına səfərinin görüntüləri ortaya çıxıb. Jurnalistlərin çəkdiyi kadrlardan görünür ki, Putin vertolyotla qərargahı yoxlamağa gəlib, daha sonra avtomobillə hərəkət edib.