AZ
RU
.jpg)
Putin yenə “Qarabağ problemi” dedi –Bir rəhbər öz imzasına hörmət qoymursa...
Rusiya hökumətinə bağlı “Rossiyskaya qazeta” Azərbaycan dövlətinə həqarət edib, demarşa yol verib.
Yenixeber.org: Qarabağ anklavındakı miskin separatizm qalığını “dövlət” kimi, oradakı bir ovuc ermənini isə mifik “Dağlıq Qarabağ xalqı” kimi təqdim edib. Tarixi yer adlarımızı qondarma erməni adları ilə (“Mardakert”) adlandırıb.
Bütün bunları qəzet faşist təmayüllü “Yerkramas” erməni nəşrinə istinadla, “Dağlıq Qarabağda ilk rus mərkəzi açıldı” başlıq altında dərc edib. “Rus mərkəzinin fəaliyyəti Rusiya və Dağlıq Qarabağ xalqları arasında mədəni yaxınlaşmaya yönəlib”, - deyə qəzet misilsiz həyasızlıqla iddia edib.
Rus sülhməramlılarının müvəqqəti nəzarətində olan bölgəmizin ayrıca dövlət kimi göstərilməsi, 5-6 min erməninin “xalq” adlandırılması əlbəttə ki, heç bir dəftər-kitaba sığmır. İmperiya məntiqincə isə təbii ki, tam anlaşılandır...
“Dağlıq Qarabağ xalqı”, “mədəni yaxınlaşma”... Guya ruslardan savayı hamı çörəyi qulağına yeyir. Faktiki heç zaman rusun yaşamadığı Qarabağımızda qondarma “rus icması”nın, saxta “rus mərkəz”lərinin yaradılmasının hansı məqsədə xidmət elədiyindən guya bixəbərik.
“Dəvəquşu siyasəti” yəni. Bu “siyasətin” ağır bədəlini hazırda rus xalqı Ukraynada ödəyir. Və əmin olun ki, hələ çox ödəyəcək...
