AZ
RU
Bəhri-təvil
Yenixeber.org: Qələm tutub mənəm deyən, hər gözələ sənəm deyən, dolsa bulud çənəm deyən, ağlım uçuq, səyəm deyən, eşit məni dinlə məni. Sözüm dəyər sillə kimi, zil təpinər, bəm ağlayar, biz olmasaq, yad edəcək ildə kimi, ürək yanıb qəm ağlayar, qoy ağrısın, yansın ürək, gözümdə çöp didə kimi. Qələm əlsiz yazılmaz, torpaq belsiz qazılmaz, qulaq duyar, dil danışar, hər deyilən söz olmaz, yanan ocaq köz olmaz, tüstü vurar yandırar, bir dəlini, qandırar, ürək xəstə deyilsə insan olan bayılmaz, ruhun əgər yatıbsa, top atılsa ayılmaz, yuxu gördün əyrini düz danışmasan, deyilənlə barışmasan,nədəndi bəs, bilmədin sən, belə yuxu yozulmaz, eyhamı ki, vurmadın ha, sətiraltı söz olmaz. Lovğa-lovğa yayı dartmaq olmayır, sular qaba dolmayır, iş də budur, kimsə görür, sormayır, əgər ölmək istəsən kilim kəndir olmayır, elə zaman gəlib ki, düz də düzü xırda-xırda doğrayır, düşən çalır, yeri itmir izi qalır, pay nə isə onu alır, nəyi sayır, nəyi qalır, hər nədirsə bilmirəm, göz ağlasa, söz ağlasa, palıd qopsa qoz ağlasa, məndə buyam silmirəm, sıra-sıra, say-say olan dişi çöldə, əyri ağız olanlara gülmürəm. Danmaq olmur, biz insanıq, biz adamıq, yaxşı deyil, pis insanıq, kimləri biz kim sanırıq. Adamsızıq, yaş yanırıq, ürək doyub daş yanırıq, zil səsimiz xırıldayır, nə edək ki, baş yanırıq, deyən yox ki, qaç yanırıq, süfrəyə düz dərdlərini, aç, yanırıq, nə yedik ki, boşdu qarın, qurhaqurla ac yanırıq... Təranə Şəms 01.06.2018
(5).jpeg)
