AZ
RU
.png)
SÖZÜN DOĞRUSU
Xeberinfo.com: (yeni bədahətən)
(Çörək oğrusu kimi tutulan uşağa həsr edirəm)
Üz, üzə oxşardır gizlənən nədir,
Görünən simada izlənən nədir.
Bu həyat bizimdir yaşamaq çətin,
Şişə, şiş calayıb bizlənən nədir.
Mən sizə söz edim hansı çətindən,
Tarixə salıram olub keçəndən.
Millətim oyanmır gözü yuxulu,
Ac qarın tox olmur zoru keçəndən.
Uşaqdır qarnı ac gözü axtarır,
Könlünü oxşayan sözü axtarır.
Düşübdür yollara səri-sərgərdan,
Dərdinə çarəni özü axtarır.
Zamansa işləyir tərsinə vallah,
Ünüm də, yetməyir ərşinə vallah.
Qarşımda əyilib əl açan uşaq,
Möhtacdır harının rəhminə vallah.
Uşaqlar yollara səpilib batır,
Yerləri zibillik, bucaqda yatır.
Cır-cındır içində əlləri qabar,
İnsan deyil yaşamır, ömürdən atır.
Bir uşaq qaçırmış əlində çörək,
Bu günlük tapmışam sabaha gərək.
Uşaq özlüyündə sevinib gülcək,
Bilmədi neyləsin polisi görcək.
Gözlərə soxuldu çörək oğrusu,
Çəkildi o anda günün fotosu.
Baxdıqca od alır, ürəyim yanır,
İnanmaq çətindir sözün doğrusu.
TƏRANƏ ŞƏMS.
