Xeberinfo.com:  

Daha demərəm a millət ayıl,
Demərəm, çəkdiyiniz zillətdi ayıl.
Sizə yatın deyirəm, yuxunuz şirin,
Daha çox, daha çox batın deyirəm.
Dilinizi daha çox sıxın dişinizə,
Mənim dərdim, onun dərdi, almayın vecinizə,
Əşi nə qalıb işinizə.
Kimin dərdi, kimə lazım,
Nəyimə gərək, niyə görüm, niyə yazım?
Sizə yatın deyirəm, yuxunuz şirin.
Daha çox, daha çox batın deyirəm!
Qonşun acdı, sən tox ol,
Təhlükə var, tez yox ol,
Sancmaq lazım gələndə, sinəsinə ox ol!
Çək ayağından, ozün düş qabağa,
Qoy qalsın geriyə,
Qoyma, qoyma, səndən öndə yeriyə.
Sənindi, mənimdi, kimindi bilmə,
Gələcək başına, amandı gülmə.
Gözlərini ovuclayıb,
Axarsa yaşın yalan,
Bulaşıq əlinlə amandı silmə, silmə.
Nə işimə qalıb, demərəm daha,
A millət ayıl, a millət ayıl..
Yatın deyirəm, yatın deyirəm,
Daha şirin-şirin yatın deyirəm.
Bilməyin Vətən nədir, torpaq nədir?
Qürbətdə kəfən nədir?
Biçən nədir, əkən nədir?
Kimdir, nəçidir,
Ayağından çəkən nədir?
Eh...kaş biləsən,
Başına düşən nədir?
Nəyimə gərək, daha çox yatın,
Daha dərinə gedin, daha çox batın...
Yatın, yatın..siz hələ, daha çox yatın!....

Təranə Nazimqızı