AZ
RU
COVID-19 sayəsində varlanmış Yuan – "Zoom" sahibi
Koronavirus dövründə “Zoom”la videokonfranslar şirkətin kapitalını və şöhrətini artırıb.
Yenixeber.org: Erik Yuanın ilk, hələ məktəbdə keçirdiyi təcrübə bir qonşusunun evinin yanması ilə başa çatıb. Amma indi “Zoom” videokonfrans xidmətinin uğuru onu milyarder edib.
Hazırda istər siyasətçilər, istərsə də biznes nəhənglərinin geniş istifadəsində olan “Zoom”, “Google” və “Microsoft” kimi güclü rəqiblərin dabanını basdalayır.
“Zoom”-un qurucusu Erik Yuanın özü belə işgüzar görüşlərə əyani qatılmır. “Sizinlə şəxsən görüşəcəyəm, amma əvvəlcə video konfrans keçirək. Bu ümumiyyətlə kifayətdir”, – deyə o, tərəfdaşlarına və müştərilərinə bildirir.
49 yaşlı milyarderin səyləri ilə şirkətin səhm qiyməti 72% bahalaşıb, bazar kapitalı hazırda 15,9 milyard dollara yüksəlib.
Yeni texnologiya nəhənginin 20% səhmlərinə sahib olan Yuanın şəxsi sərvəti 3,2 milyard dollar təşkil edir.
Şirkətin “Samsung”, “Uber”, “Walmart” və “Capital One” da daxil olmaqla, 50 min korporativ müştərisi var.
