Düşən neft qiymətləri, dünya miqyasında hər nə qədər istehlakçı və şirkət xərcləmələrinin artmasına dəstək olsa da mütəxəssislərin qlobal iqtisadi artım proqnozlarını yüksəltmələrinə kafi görünmür.

"Xeberinfo.com":  Məlumata görə, Çin, Rusiya və Braziliya kimi inkişaf edən bazarlardakı mənfi görünüş və Yunanıstanın avrodan çıxması ehtimalı kimi geo-siyasi risklər, geriləyən enerji xərclərindən təmin edilən faydalara kölgə salır.

İqtisadçıların 2015-ci il üzrə dünya iqtisadi artım proqnozunda Oktyabr ayından bu yana dəyişiklik baş verməyib. İqtisadçılar böyümə təxminlərini Oktyabr ayında 3.6%-dən 3.5%-ə salmışdılar.

JPMorgan Chase & Co.-nun baş iqtisadçısı Bruce Kasman, “İnsanlar, dünya daxilində riskləri görmələri ilə narahatdırlar. Qeyri-müəyyənlik mövcuddur” deyib.

İqtisadçıların təxminlərini artırmaqdakı istəksizliyi və real qlobal iqtisadi artımın ardıcıl 4 il proqnozlardan aşağıda qalması qlobal böyümədəki kövrəkliyə işarə edir. JPMorgan, neftin barelinin 60 dollarda qalmasının qlobal iqtisadiyyatın artımına əlavə 0.5% qatqı təmin edəcəyini təxmin edir. Bank İyul ayındakı 3.3%-lik qlobal iqtisadi artım proqnozunu (2015-ci il üçün) 2 Yanvarda 2.9%-ə salmışdır.