AZ
RU
.jpg)
Dünya birjaları təhlükədə
Neftin ucuzlaşması və Avropadakı iqtisadi böhran səhmlərə zərbə vurur.
"Xeberinfo.com": Məlumata görə, dünya birjaları neftin qiymətinin qısa müddətdə də olsa 50 dollardan aşağı düşməsi və Avropa iqtisadiyyatına dair yeni narahatlıqların ortaya çıxması ilə alt-üst oldu.
Avro, Yunanıstanın Avrodan çıxacağı narahatlığı ilə 2006-dan bu yana ən aşağı səviyyəyə enib, bu prosesə Almaniyada inflyasiyanın son 5 ilin ən aşağı səviyyəsinə enməsi də təsir göstərib.
Fransa, Almaniya, İngiltərə birjalarında 2-3% eniş baş verib. “Dow Jones” sənaye indeksi 1,9% ilə oktyabr ayından bu yana ən sərt şəkildə dəyərdən düşüb.
Enerji sektoru səhmləri isə enişə liderlik edir. Sərmayəçilər qızıl və dövlət istiqrazlarına yönəliblər. “Societe General”ın Xəzinə İstiqrazları Mütəxəssisi Anthony Cronin belə deyir: “Hər şey inflyasiya ilə əlaqədardır. Neft qiymətlərindəki eniş sərmayələri narahat edir, çünki dünya bu an deflyasiyadan qaçmağa çalışır.” /”Marja”
