AZ
RU
.jpg)
“Ölüm batalyonu“ ilk dəfə üzə çıxdı
Ukraynada ruspərəst separatçılarla birlikdə yüzlərlə müsəlman çeçenlərdən ibarət "Ölüm batalyonu" döyüşür.
"Xeberinfo.com": Məlumata görə, Çeçenistandan olan yüzlərlə döyüşçü Ukraynaya qarşı savaşmaq üçün batalyon yaradıb.
Çoxu müsəlman bölgələrindən gələn və əvvəllər təhlükəsizlik qüvvələrində xidmət edən 300-ə qədər könüllü döyüşçü Sovet İttifaqının süqutundan bəri iki qanlı müharibədə iştirak ediblər. Donetskin kənarında öz düşərgələri olan çeçen döyüşçülərin qarlı havada təlim keçdiyi bildirilir.
Rusiyanın Ukraynaya nizamlı olaraq əsgərlərini yolladığını söyləyən Qərbin iddialarına baxmayaraq Moskva ABŞ və Avropanı Kiyev rəhbərliyinə dəstək verməkdə günahlandırır.
Özlərinə "Könüllü ölüm batalyonu" ləqəbini verən qrupun komandir müavininin verdiyi məlumata görə, hər bir döyüşçünün ən azı 10-20 illik döyüş təcrübəsi var.
