AZ
RU
Suriyada itkin düşənlərin axtarışı üçün təşkilat yaradılacaq-BMT
Birləşmiş Millətlər Təşkilatının (BMT) Baş Assambleyası Suriyada itkin düşmüş şəxslərin araşdırılması ilə məşğul olacaq təşkilatın yaradılacağını təsdiqləyib.
Yenixeber.org: Bu barədə BMT-nin Baş Assambleyası qətnamə qəbul edib.
Qətnamədə BMT Baş Assambleyasının Suriyanın suverenliyi, müstəqilliyi və ərazi bütövlüyünü tanıdığı bir daha qeyd olunub.
Qətnamədə itkin düşənlərin taleyini öyrənmək və sağ qalanlara dəstək vermək üçün BMT-nin himayəsi altında Suriyada İtkin Şəxslərin Araşdırılması üzrə Müstəqil Təşkilatın yaradılması təsdiq edilib.
Qeyd edək ki, təxminən 100 min suriyalının taleyi və harada olduğu barədə məlumat yoxdur.
