Britaniya universitetlərindəki elm adamları Tehran rejiminə dron proqramlarının və döyüş təyyarələri hazırlanmasında istifadə edilən texnologiyanın hazırlanmasında yardım ediblər.

Yenixeber.org:  Bu barədə “The Jewish Chronicle” nəşrinin araşdırma materialında qeyd olunub.

Bildirilib ki, Kembric Universiteti və London İmperial Kolleci də daxil olmaqla azı 11 Britaniya universiteti İranın bu sahədəki nailiyyətlərində iştirak edib.

Qeyd olunub ki, Britaniyadakı layihələrdən biri çərçivəsində aparılmış araşdırmalarda dron mühərriklərinin inkişaf etdirilməsi, onların yüksəkliklərinin, sürətinin və məsafəsinin artırılması üzərində işlənilib və bu layihə Tehran tərəfindən maliyyələşdirilib. Başqa bir Britaniya universitetində isə iranlılarla birlikdə reaktiv təyyarələrin mürəkkəb idarəetmə sistemlərinin sınağı üzərində işlənilib və sınağın məqsədi manevr qabiliyyətinin artırılması və reaksiya vaxtının qısaldılması olub. Materialda həmçinin qeyd olunub ki, İrandan Britaniya gələn mühəndislər və tədqiqatçılar Britaniya universitetlərində öyrəndikləri təcrübəni İrana qayıtdıqdan sonra rejimin hərbi sənaye proqramlarında tətbiq edirlər.