ABŞ prezidenti Donald Trampı ciddiyə almayan “Quql”, “Feysbuk”, “Tvitter” kimi sosial şəbəkə nəhənglərinin sırasına “Linkedin” də daxil olub.

Yenixeber.org: Prezidentin Türkiyəyə qarşı sərt maliyyə sanksiyalarına əhəmiyyət verməyən şirkət Türkiyədə ofis açmaq üçün danışıqlara başlayıb.

500 milyon aktiv istifadəçisi olan amerikalı şirkət iki həftə öncə Türkiyədəki idarəçi namizədlərlə video-konfrans keçirib. “Linkedin” İstanbulda açacağı ilk ofisdə ilkin mərhələdə 50-yə yaxın vakant yer açmağı düşünür. Şirkətin görüşdüyü nümayəndələrə Türkiyə bazarındakı potensialı qaçırmamaq üçün ofis açmasını etiraf etməsi də diqqət çəkib.

Əldə edilən məlumata görə, şirkətin gələcək Türkiyə planları arasında bölgədəki 30-a yaxın ölkədə yerləşən mərkəzlərini İstanbuldan idarə etmək də var. 200 fərqli ölkədən 500 milyon üzvə sahib şirkətin mərkəzi Dublin şəhərində yerləşir. Dünya miqyasında isə 10 ölkədə şöbələri fəaliyyət göstərir. 2016-cı ildə 26,2 milyard dollara “Maykrasoft” tərəfindən alınan “Linkedin” ötən il Türkiyə bazarında 26 dəfə böyüyərək 6 milyon istifadəçiyə çatıb.

Qeyd edək ki, Donald Tramp ötən həftə adıçəkilən internet resurslarını onun haqqında neqativ təəssürat yaratmaqda ittiham edib.(publika)

Zümrüd