Azərbaycanının dünya musiqisi, ədəbiyyatı, sənəti, elminə bəxş etdiyi kifayət qədər tanınmış sima var.

Tez-tez mediada onlarla bağlı xəbərlər də yer alır. Lakin bu dəfə türk mediasında öz adından söz etdirən Azərbaycan əsilli məşhurlardan danışacağıq. Onu da qeyd edim ki, bu məşhurlar müxtəlif mövqelərə sahib, öz imzası ilə seçilən şəxslərdir.

Yenixeber.org: Sizlərə Türkiyənin tanınmış simasına çevrilən Azərbaycan əsilli məşhurları təqdim edirik.

–        Günel Zeynalova

İbrahim Tatlısəsin kəşf edib, türk dünyasına tanıtdığı kiçik Günel artıq türk şou-biznesində özünə yer edən sənətkara çevrilib.

–        Ataol Bəhramoğlu

Azərbaycan əsilli, ailəsinin soyadı “Gürus” olan Ataol Türkiyədə kifayət qədər tanın şairlərdəndir. Eyni zamanda rus ədəbiyyatının türk dilinə ən gözəl tərcüməçilərindən hesab olunur.

–        Tuğba Əkinçi

Bir çoxumuzun “O şimdi asker” mahnısı ilə tanıdığımız Qars doğumlu Tuğba da Azərbaycan əsilli türklərdəndir.

–       Tamər Qaradağlı

Yaratdığı “sərt kişi” effekti ilə Türkiyə səhnəsinin ən sevilən aktyoruna çevrilən Qaradağlı da azərbaycanlıdır. O, əslən Qərbi Azərbaycandandır.

–        Başak Sayan

Ata tərəfdən azərbaycanlı olan Başak Sayan Türkiyədə çox sevilən aktrisa, ssenarist və yazarlardan biridir.

–        Çağla Şikəl

Özü İstanbulda doğulsa da, atası Qarsdakı azərbaycanlılardandır. Həm aktrisa, həm model, həm də aparıcı kimi tanınan Çağla Şikel Türkiyənin sevilən simalarından hesab olunur.

–        Rıza Sarraf

Ebru Gündəşlə evləndikdən sonra türk mediasında adı bir çox məsələlərdə hallanan Rıza Sərraf həm də tanınmış iş adamıdır.

–        Cem Qaraca

Türk rok musiqisinin ən sevilən simalarından olan Cem Qaracanın da əslən azərbaycanlı olduğu bilinir. Onu da qeyd edim ki, Cem Qaraca həm də bəstəkar və teatr aktyoru idi.

–        Əhməd Şəfəq

Türkiyə şou-biznesinə adını qızıl hərflərlə yazdıran Əhməd Şəfəqin əslən azərbaycanlı olması bildirilir, özü isə İstanbulda dünyaya gəlib. Azərbaycanda da çox sevilən bu sənətkar həm musiqiçi, həm bəstəkar, həm söz yazarı, həm də jurnalistdir.

–        Ezo

Rafət Əl Romanla oxuduğu “kalbine sürgün” mahnısı ilə məşhurlaşan gözəl səsli Ezo da əslən azərbaycanlıdır. Özü də hər reportajında Bakılı olmasını vurğulayır.

–        Nəsrin Cavadzadə

Türkiyənin ən çox sevilən simalarından olan Nəsrin Cavadzadə 1982-ci ildə Bakıda dünyaya gəlib. Lakin 3 yaşından ailəsi ilə Türkiyəyə köçməli olurlar. Türkiyədə tanınmış kino və teleserial aktrisasıdır.

–        Sinan Oğan

Əslən azərbaycanlı olan Sinan Oğan İğdırda dünyaya gəlib. Türkiyənin tanınmış siyasi simalarından biridir. Eyni zamanda Türkiyə Azərbaycan dərnəyinin rəhbəri olan Sinan Oğan Türkiyə Böyük Millət Məclisinə keçirilən seçkilərdə qalib gələrək deputat mandatı qazanmışdır. Onun rəhbərliyi ilə Türkiyədə Xocalı faciəsi, 20 Yanvar hadisələrinə aid müxtəlif tədbirlər təşkil olunub.

–        Selin Şəkərci 

Ata tərəfdən ərəb, ana tərəfdən azərbaycanlı olan Selin Şəkərci türkiyə də həm gözəlliyi, həm də aktrisalığına görə adından söz etdirən məşhurlardan biridir.

–        Türkan Şoray

Türkiyənin əvəzolunmaz simaları sırasında yəqin ki bu xanım birincidir. Yeşilçam-ın axtarılan üzü olan Türkan xanım özü də müsahibəsində əslən azərbaycanlı, ata tərəfdən naxçıvanlı olduğunu bildirmişdi.

Məleykə