Redaktor seçimi
Zaur Mikayılov Eldar Əzizovun kölgəsində “üzür” –
Anar Əlizadəyə Serbiya pasportu nədən verildi - Adı rusiyalı casuslar, müharibə oliqarxları ilə birgə hallanan milyonçu kimdir?/
Saleh Məmmədov dərhal həbs olunmalıdır,... PKK terror təşkilatının missioneridir -
Təhməzlilərin "6-cı mərtəbə"sində çirlki pullar belə yuyulur -
Səbzəliyev qardaşlarının “Sobsan” boya fabriki ekoloji fəlakət yaradır-
Heydərovların “London macərası” başa çatdı – 
Qadının evini başına uçuran “Melissa Group” tikinti şirkəti kimindir? -
Deputatlığa namizəd olmuş “Emil Daymond” kimi tanınan Emil Məmmədov əslində kimdir? -
Günün xəbəri

Şairlərə əlavə səlahiyyət verilə bilər

 

Millət vəkili: “Elə şair və yazıçılar var ki, yalnız yaradıcılıqla məşğul olurlar, bir yerdə işləmədiklərindən pensiya ala bilmirlər” 

"Xeberinfo.com": “"Yaradıcı şəxslər və yaradıcılıq birlikləri haqqında" qanun hazırda ciddi müzakirə obyektidir”. Bunu Milli Məclisin mədəniyyət komitəsinin sədri, millət vəkili Nizami Cəfərov bildirib.  Onun sözlərinə görə,  həmin qanunda Azərbaycanda yaradıcı şəxslərə (şair, yazıçı, rəssam və bəstəkarlar) müəyyən səlahiyyətlərin verilməsi nəzərdə tutulur: “Həmin şəxslər Azərbaycan xalqının mədəniyyətini yaradırlar. Onlar QHT üzləri deyillər”.

Komitə sədri onu da bildirib ki, bədii yaradıcılıqla məşğul olan şəxslərin vergidən azad olunma ehtimalı var: “Onların kitabı dövlət hesabına çap oluna, ədəbi orqanların, jurnalların, qonorarları artırıla bilər”. N. Cəfərovun sözlərinə görə, elə şair və yazıçılar var ki, yalnız yaradıcılıqla məşğul olurlar: “Başqa işdə çalışmadıqları üçün pensiya yaşına çatanda  pensiya ala bilmirlər. Amma bir zamanlar fərdi yaradıcılıqla məşğul olanlar, yaradıcılıq təşkilatının üzvləri heç bir yerdə işləmədən pensiya ala bilərdilər”.

 

Millət vəkili vurğulayıb ki, hər hansı yazıçı, şair yazdığı şeirə görə aldığı qonorardan Dövlət Sosial Müdafiə Fonduna pul ödəyəcək və həmin vəsaitə uyğun da pensiya alacaq: “Yaradıcı insanlar bəzən o qədər də cəsarətli olmurlar. İş tapmağa can atmırlar. Çünki yaradıcılıqla iş tutmur”.

 

 “Azərbaycanda böyük tarixi olan yaradıcı təşkilatları var. Onlar dövlət tərəfindən maliyyələşdirilir. Həmin təşkilatların dövlət, cəmiyyət qarşısında hansı məsuliyyət daşımaları isə  qanunvericilikdə öz əksini tapmayıb” deyə millət vəkili bildirib.

 

Onun sözlərinə görə, bu qanun ilk oxunuşda çoxdan qəbul edilsə də, hazırda onun ikinci oxunuşa çıxarılması gözlənilir: “Burada da əsas məsələ maliyyə məsələsidir”.


Facebook-da paylaş

Yeni xəbərlər

Reklam

Reklam