AZ
RU
“Vüsal 300” barəsində cinayət işi açıldı – Ofisi möhürləndi
Yenixeber.org: “Vüsal 300” ləqəbi ilə tanınan iş adamı Abbasov Vüsal Şirvan oğlu barəsində cinayət işi başlanıb.
Məlumata görə, o, bir neçə nəfərlə əlbir olaraq qanunsuz lizinq fəaliyyəti həyata keçirməkdə ittiham olunur.
İstintaq materiallarına əsasən, Vüsal Abbasov vətəndaşlara məxsus avtomobilləri və digər əmlakları girov saxlayaraq, qanunla nəzərdə tutulmayan yüksək faizlə lizinqə verib.
Faktla bağlı Xətai Rayon Prokurorluğunda Cinayət Məcəlləsinin 308-ci maddəsi (vəzifə səlahiyyətlərindən sui-istifadə) ilə cinayət işi başlanılıb.
Sosial şəbəkələrdə yayılan görüntülərdə “Vüsal 300”ə məxsus ofislərin və bahalı avtomobillərin saxlandığı qarajların məhkəmə qərarı ilə bağlandığı və prokurorluq tərəfindən möhürləndiyi görünür.
Qeyd edək ki, “Vüsal 300” Bakıda ən bahalı avtomobillərin icarəsi ilə məşğul olan şəxs kimi tanınır. Bir çox məşhur müğənnilərin istifadə etdiyi avtomobillərin də ona məxsus olduğu bildirilir.(Azerbaycanreallığı)
.jpg)
