Redaktor seçimi
“Əcəmi”də “can bazarı”:
Heydər Əliyevin posterini sökdürən Vüqar Sədiyev bu qədər sərvəti hansı məmurun hesabına əldə edib? -
TALIBOVLAR SƏRVƏTLƏRİNƏ SƏRVƏT QATIRLAR – Məhərrəm Talıbovun oğullarının dəbdəbəli həyatı.../
Zaur Mikayılov iri şəhərlərdə iri məbləğləri belə “yuyur” –
İcra məmurunun oğluna verilən milyonluq tenderlər -
Bakı-Quba yolunun Ziyalı, əməli Saleh olmayan bəxti....
Zaur Mikayılov Eldar Əzizovun kölgəsində “üzür” –
Anar Əlizadəyə Serbiya pasportu nədən verildi - Adı rusiyalı casuslar, müharibə oliqarxları ilə birgə hallanan milyonçu kimdir?/
Günün xəbəri

Almaniya səfiri: "Avropanın "yaşıl enerji” transformasiyasında Azərbaycanın rolu artır"

 

Avropanın "yaşıl enerji” transformasiyasında Azərbaycanın rolu getdikcə daha əhəmiyyətli xarakter daşıyır.

Yenixeber.org-un məlumatına görə, bunu Almaniyanın Azərbaycandakı səfiri Ralf Horlemann Alman-Azərbaycan Xarici Ticarət Palatasının (“AHK Azerbaijan”) iclasında bildirib.

"Ölkələrimiz arasında iqtisadi əlaqələri gücləndirmək vacibdir. Bu kontekstdə xüsusilə Avropanın "yaşıl iqtisadiyyat"a doğru enerji transformasiyasında Azərbaycanın artan rolunu vurğulamaq lazımdır. Almaniya şirkətlərini bu əməkdaşlığın inkişafında daha fəal iştirak etməyə çağırıram", - diplomat qeyd edib.

Tədbirdə palatanın üzvlərinin sayının 21 şirkət artaraq 194-ə çatdığı bildirilib.

“AHK Azerbaijan”ın icraçı direktoru Nargis Vik palatanın həm Azərbaycanda, həm də Almaniyada iqtisadi artıma töhfə verən ikitərəfli layihələrin və strateji tərəfdaşlıqların təşviqinə sadiqliyini vurğulayıb.

Azərbaycanın enerji planlarına əsasən, 2027-ci ilə qədər ölkədə ümumi qoyuluş gücü təxminən 2 QVt olan 8 günəş və külək elektrik stansiyasının tikintisi planlaşdırılır. Bu layihələrə həm xarici, həm də daxili mənbələr hesabına investisiya qoyuluşu 2,8 milyard ABŞ dolları məbləğində qiymətləndirilir.

Layihələrin həyata keçirilməsi ildə təxminən 5,3 milyard kVt/saat "yaşıl enerji" istehsal etməyə, enerji sistemində bərpa olunan enerji mənbələrinin payını 32,6 %-ə çatdırmağa, ildə 1,2 milyard kubmetr qaza qənaət etməyə və istixana qazı emissiyalarını 2,5 milyon ton azaltmağa imkan verəcək.

Azərbaycan 2030-cu ilə qədər bərpa olunan enerji mənbələrinin qoyuluş gücünü 7 QVt-a çatdırmağı və bu həcmin 5 QVt-nı ixrac etməyi planlaşdırılır.


Facebook-da paylaş

Yeni xəbərlər

Reklam

Reklam