AZ
RU
Bu barədə "Le Figaro" qəzeti məlumat yayıb.
İğtişaşçılar Pablo Pikasso muzeyinə, Sena çayının cənub sahilindəki Meudondakı polis bölməsinə və bölgənin mağazalarına soxulmağa cəhd ediblər. Val-d'Oise departamentinin Bezons bələdiyyəsində ibtidai məktəb də yandırılıb.
Qeyd edək ki, iyunun 28-nə keçən gecə Nanterdə yol yoxlaması zamanı polis patrulu sarı “Mercedes” markalı avtomobili saxlamağa cəhd edib. 17 yaşlı sürücü asayiş keşikçilərinin tələblərinə tabe olmaqdan imtina edərək qaza basıb, bu zaman polis onu vuraraq yerindəcə öldürüb.
Xidməti silahdan istifadə edən polis əməkdaşı qəsdən adam öldürməkdə şübhəli bilinərək saxlanılıb. O, nəzarətə götürülüb. Nanterin dövlət prokurorluğu hüquq-mühafizə orqanlarının əməkdaşlarının tələblərini yerinə yetirməkdən imtina etməsi ilə bağlı araşdırmaya başlayıb. Hadisədən sonra Parisətrafı qəsəbələrdə iğtişaşlar dalğası baş verib, 24 polis yaralanıb.
Fransada etirazlarda 150 nəfər saxlanılıb -YENİLƏNDİ
Fransanın İl-de-Frans əyalətində, Paris ətrafındakı Nanter qəsəbəsində yol polisinin əmrinə tabe olmayan 17 yaşlı yeniyetmənin öldürülməsindən sonra başlayan iğtişaşlar zamanı 150 nəfər saxlanılıb.
Yenixeber.org: Bu barədə ölkənin daxili işlər naziri Jerald Darmanin bildirib.
"Respublikanın simvollarına qarşı qəbuledilməz zorakılıq gecəsi: bələdiyyə binalarına, məktəblərə və komissarlıqlara hücumlar və ya onların yandırılması. 150 nəfər həbs edilib", - o, tviterdə yazıb.
***
Fransanın Nanter şəhərində yol polisinin əmrinə tabe olmayan əlcəzair əsilli Nael adlı 17 yaşlı yeniyetmənin ölümündən sonra başlayan iğtişaşlar zamanı azı 77 nəfər saxlanılıb.
