AZ
RU
Türkiyə səfirliyi Şuşa Bəyannaməsi ilə bağlı paylaşım etdi
Türkiyənin Azərbaycandakı səfirliyi Şuşa Bəyannaməsinin imzalanmasının ikinci ildönümü ilə bağlı paylaşım edib.
Yenixeber.org: Bu barədə səfirlik “Twitter“ hesabında paylaşıb.
"Azərbaycanla köklü əlaqələrimizi müttəfiqlik səviyyəsinə çatdıran Şuşa Bəyannaməsinin 2-ci ildönümü mübarək! Şuşa Bəyannaməsinin məqsədlərinə və ortaq gələcəyə baxışa uyğun olaraq, biz Can Azərbaycan ilə müstəsna əlaqələrimizi bütün ölçüləri ilə davam etdirəcəyik", - məlumatda bildirilir.
Qeyd edək ki, bu gün "Azərbaycan ilə Türkiyə arasında müttəfiqlik münasibətləri haqqında Şuşa Bəyannaməsi"nin imzalanmasının ikinci ildönümüdür. Şuşa Bəyannaməsi 2021-ci ilin iyunun 15-də Şuşada Azərbaycan Prezidenti İlham Əliyev və Türkiyə Prezidenti Rəcəb Tayyib Ərdoğan tərəfindən imzalanıb.
