Yenixeber.org: “Məhkəməyədək icraat mərhələsində ekstradisiya gözlənilmir və icazə verilmir. Bu, yalnız qanuni məhkəmə aktları olduqda baş verir. Ekstradisiya bir sıra konvensiyalarla tənzimlənir, Azərbaycanın timsalında bunlar 1998-ci il Moskva Konvensiyası və Strasburq Konvensiyasıdır”, - Vardapetyan bildirib.
Erməni əsirlərin Azərbaycandan qaytarılması müqabilində ekstradisiya tətbiq oluna bilərmi sualına o, bu məsələnin onun səlahiyyətindən kənarda olduğunu deyib.
Xatırladaq ki, Azərbaycan Ordusunun əsgərləri - 2004-cü il təvəllüdlü Bəbirov Aqşin Qabil oğlu və 2003-cü il təvəllüdlü Axundov Hüseyn Əhliman oğlu bir neçə gün öncə Naxçıvan Muxtar Respublikasının Şahbuz rayonunun Ermənistanla sərhəd ərazisində əlverişsiz hava şəraitində məhdud görmə səbəbindən itkin düşüblər.
Ermənistan Müdafiə Nazirliyi aprelin 13-də Azərbaycan əsgərlərinin Ermənistanda saxlandığını etiraf edib. Sosial şəbəkələrdə və Ermənistan mediasında ermənilərin əsir götürdükləri Azərbaycan hərbçisini döymələri, ona ağır işgəncə vermələri ilə bağlı görüntülər yayılıb.
Əsir və itkin düşmüş, girov götürülmüş vətəndaşlarla əlaqədar Dövlət Komissiyası Azərbaycan Ordusunun itkin düşən iki əsgəri ilə bağlı beynəlxalq təşkilatlara müraciət edib.
Qeyd edək ki, bu yaxınlarda BQXK nümayəndələri Ermənistanda əsir götürülən Azərbaycan Ordusunun əsgərlərinə baş çəkiblər. İrəvanda keçirilən görüş zamanı hərbçilərə ailələri ilə Qızıl Xaç Məktubu vasitəsilə əlaqə yaratmaq imkanı verilib.