AZ
RU
Nazirlərin görüşü - Yekun bəyanatda nələr var...
Yaponiyanın Karuizava kurort şəhərində G7-yə üzv ölkələrin xarici işlər nazirlərinin görüşü keçirilib.
Yenixeber.org:xəbər verir ki, görüş zamanı gündəmin əsas mövzusu Ukraynadakı müharibə olub.
Bildirilib ki, görüş mayın 19-21-də Xirosimada keçirilməsi planlaşdırılan G7 sammiti öncəsi son danışıqlardır. Karuizavada keçirilən görüşdə müzakirə edilən ikinci strateji vəzifə G7-nin “qlobal cənub” ölkələrinə dönüşüdür.
Yekun bəyanatda qeyd olunub ki, G7 Rusiyadan qoşunlarını Ukrayna ərazisindən çıxarmağı tələb edir. XİN başçıları bildiriblər ki, üçüncü ölkələr tərəfindən Rusiyaya silah tədarükünün qarşısını almaq üçün koordinasiya gücləndiriləcək, Rusiyanın Ukraynaya qarşı müharibəsini maddi cəhətdən dəstəkləyənlərə qarşı tədbirlər görüləcək.
Bundan əlavə, G7 Rusiyaya qarşı sanksiyaları gücləndirəcək, onlara tam əməl edəcək. Nazirlər Rusiyanın Belarusda nüvə silahı yerləşdirmək planlarını qəbuledilməz adlandırıblar.
(5).jpeg)
