AZ
RU
İsveçrə Rusiya aktivlərinin Ukraynaya verilməsi ilə bağlı referendum keçirə bilər
İsveçrə dondurulmuş Rusiya aktivlərini Ukraynanın bərpasına sərf etməyə qarşı deyil, lakin bunun üçün referendum tələb oluna bilər.
Yenixeber.org: “RBK-Ukrayna”ya istinadən xəbər verir ki, bu barədə İsveçrənin xarici işlər naziri İqnasio Kassis “Tages-Anzeiger” nəşrinə müsahibəsində bildirib.
“Ukraynanın bərpasına kömək etməkdə ciddiyiksə, onu necə maliyyələşdirəcəyimizi düşünməliyik”, - deyən nazir əlavə edib ki, Qərb ölkələri Rusiyanın aktivlərinin müsadirə edilməsi addımını müzakirə edir.
İ.Kassis vurğulayıb ki, İsveçrə 7,5 milyard frank (8,2 milyard ABŞ dolları) dəyərində Rusiya aktivini dondurub, lakin ölkə qanunvericiliyinə görə, onlar müsadirə oluna bilməz. Bu qanunu dəyişdirmək üçün isə yəqin ki, referendum tələb olunacaq.
“Bizə aid olmayan pulları sadəcə mənəvi cəhətdən düzgün hesab etdiyimiz üçün götürə bilmərik. Mülkiyyət hüququ deyilən bir şey var”, - İsveçrənin xarici işlər naziri deyib.
.jpg)
