AZ
RU
Türkiyədə anım mərasimində tavan çökdü, 32 nəfər yaralandı - YENİLƏNDİ
Türkiyədə hotelin damının uçması nəticəsində xəsarət alanların sayı 32-ə çatıb.
Yenixeber.org: Bu barədə Türkiyənin səhiyyə naziri Fahrettin Koca məlumat yayıb.
Bildirilir ki, 23 nəfərə yerində tibbi yardım göstərilib, 9 nəfər xəstəxanaya yerləşdirilib.
***
20:39
Türkiyədə Sarıqamış əməliyyatının 108-ci ildönümü tədbirləri çərçivəsində keçirilən film nümayişi zamanı zalın tavanı çöküb.
Bu barədə "Anadolu" agentliyi məlumat yayıb.
Bildirilir ki, hadisə Qarsın Sarıqamış rayonunda yerləşən hoteldə baş verib.
Hadisə yerinə sağlamlıq, polis, xilasetmə və jandarma qrupları, çox sayda təcili yardım cəlb edilib. İlk məlumata görə, hadisə zamanı yüngül yaralanan 10 nəfər Sarıqamış Dövlət Xəstəxanasına aparılıb.
