AZ
RU
Azərbaycan hökuməti ABŞ-la danışıqlar aparır-Qarabağa sərmayə qoyuluşu ilə bağlı
“Azərbaycanın işğaldan azad edilmiş rayonlarının bərpasında Amerika şirkətlərinin iştirakı üçün yaxşı potensial var”.
Yenixeber.org: Bunu ABŞ-ın Azərbaycandakı keçmiş səfiri Robert Sekuta deyib.
Onun sözlərinə görə, Azərbaycan hökuməti bu məsələ ilə bağlı ABŞ hökuməti ilə danışıqlar aparır: “Düşünürəm ki, bu məsələ daha çox Amerika şirkətlərinin Azərbaycana sərmayə qoymaqda maraqlı olmasından asılıdır. Təbii ki, bəzi Amerika şirkətləri gələ bilər, amma bu, hökumətdən asılı deyil. Bu, şirkətlərin özlərinin qərarıdır”.
Amerikalı diplomat qeyd edib ki, ABŞ-ın siyasi maraqları baxımından Qarabağa Amerika investisiyaları üçün heç bir problem yoxdur. Amerika şirkətləri hansı ölkələrə sərmayə qoyacaqlarına özləri qərar verirlər.
Eyni zamanda, Sekuta ABŞ hökumətinin Azərbaycanla sıx iqtisadi əməkdaşlığa xüsusi marağı olduğunu vurğulayıb.(virtualaz)
