AZ
RU
.jpg)
Bu il Azərbaycan təbii qaz ixracını 18 %-dən çox artırıb
Bu ilin yanvar-aprel aylarında gömrük bəyannamələrinə əsasən, Azərbaycan 7 milyard 706 milyon 860,61 min kubmetr həcmində təbii qaz ixrac edib.
Yenixeber.org: Bu barədə Dövlət Gömrük Komitəsinin statistikası məlumat yayıb.
Məlumata görə, ötən 4 ay ərzində Azərbaycandan ixrac edilən təbii qazın dəyəri 2 milyard 758 milyon 782,82 min ABŞ dolları təşkil edib.
Hesabat dövrü ərzində ixrac edilən təbii qazın həcmi 2023-cü ilin yanvar-aprel ayları ilə müqayisədə 18,3 % çox, dəyəri isə 2 dəfə azdır.
Bu ilin yanvar-aprel aylarında Azərbaycanın ümumi ixracında təbii qazın payı 33,77 % olub.
Qeyd edək ki, bu ilin yanvar-aprel aylarında Azərbaycan xarici ölkələrlə 13 milyard 633 milyon 364,7 min ABŞ dolları dəyərində ticarət əməliyyatı aparıb. Xarici ticarət dövriyyəsinin 8 milyard 168 milyon 591,68 min ABŞ dolları ixracın, 5 milyard 464 milyon 773,02 min ABŞ dolları isə idxalın payına düşüb. Son 1 ildə ixrac 35,1 % az, idxal isə 3,1 % çoxdur.
