AZ
RU
Rusiya və Çinin hərbi təlimləri başladı-Yapon dənizində
Yapon dənizində Rusiya və Çinin "Morskoye Vzaimodeystvie-2021" birgə dəniz təlimləri başlayıb.
Yenixeber.org: Bu barədə Rusiya Sakit Okean Donanması üzrə Şərq Hərbi Dairəsinin (VVO) mətbuat xidməti məlumat yayıb.
Təlimlər oktyabrın 17-dək davam edəcək.
Təlimlər zamanı birgə taktiki hərəkətlər, dəniz hədəflərinə artilleriya atəşi, minalara qarşı dəstək, habelə simulyasiya edilmiş düşmən sualtı gəmisinin axtarışı və blokadası üzrə tapşırıqlar yerinə yetiriləcək.
Qeyd olunur ki, "Morskoye Vzaimodeystvie-2021" əvvəlcədən razılaşdırılmış plana uyğun olaraq aparılır. Lakin maraqlı məqam odur ki, təlimlər Yaponiyanın yeni baş naziri Fumio Kisidanın cənub Kuril adaları ilə bağlı bəyanatlarından dərhal sonra başlayıb.
