AZ
RU
Cəlilabadda fermerlər becərdikləri kartofu satmaqda çətinlik çəkirlər-VİDEO
Cəlilabadda fermerlər əziyyətlə becərdikləri kartofu satmaqda çətinlik çəkirlər.
Yenixeber.org: Muğan büromuzun məlumatına görə, məhsuldarlığın az olması, qiymətin ucuzluğu onları məyus edib.
Onlar deyir ki, məhsulun maya dəyəri, o cümlədən daşınma xərcini hesablayanda əkinçiyə qazanc qalmır. Fermerlər becərdikləri kartofu sata bilmir, ya da çox ucuz qiymətə satır:
“Bu da sərfəli deyil”.
Fermerlər deyir ki, bu mövsüm onsuz da suvarmada mövcud olan problemlər məhsuldarlığa ciddi təsir göstərib. Belə ki, məhsuldarlıq orta hesabla 40% aşağı düşüb. Qiymətlərin də ucuz olması əkinçinin işini lap çətinə salıb.
Onların sözlərinə görə istixana şəraitində yetişdirilən kartofun ilkin qiyməti 1,20 qəpikdən başlasa da, qiymətlər sürətlə aşağı düşüb.
Hazırda açıq sahələrdən toplanan məhsulun qiyməti 30-40 qəpik arasında dəyişir.
Fermerlər deyirlər ki, belə davam edərsə, kartof sahələrdə qalacaq.(report)
.jpg)
