Birləşmiş Millətlər Təşkilatının 2021-ci üçün hazırladığı “Dünya Xöşbəxtlik Hesabatı”-na görə Finlandiya dünyanın ən xoşbəxt əhalisi olan ölkə hesab olunub. 

Yenixeber.org: Reytinqdə ikinci yerdə İslandiya, üçdə Danimarka yerləşir, sonrakı yerləri isə İsveçrə, Hollandiya Norveç, İsveç, Lüksemburq, Yeni Zelandiya və Avstriya tutub. Bu siyahıda ABŞ 19-cu, Rusiya isə 76-cı olub.

Azərbaycan reytinqdə 90-cı yerdə göstərilib.

Qəribə də olsa, Qarabağ müharibəsində Azərbaycan tərəfindən darmadağın edilən, 10 mindən artıq itki verən, iqtisadiyyatı sıradan çıxmış, əhalisi bitkin vəziyyətə düşmüş, əksəriyyəti ölkədən getmək istəyən Ermənistan reytinqdə regionun ən xoşbəxt ölkəsi kmi göstərilib. Belə ki, reytinqdə Ermənistan 86-cı yerə qoyulduğu halda, Türkiyə 104-cü, Gürcüstan isə 108- ci yerdə göstərilib.

Yalnız bu fakt reytinqin həqiqəti əks etdirmədiyini, müəlliflərin sübyektiv düşüncələri əsasında tərtib edildiyini söyləməyə əsas verir.

Qeyd edək ki, 149 ölkədən ibarət olan siyahıda son onluqda sıra ilə Burundi, Yəmən, Tanzaniya, Haiti, Malavi, Lesoto, Botsvana, Ruanda, Zimbabve, və dünyanın ən bədbəxt ölkəsi kimi isə Əfqanıstan qərarlaşıb.(azpolitika)