“Regionlarda sadə vətəndaşların az-çox ayaqda durması əsasən Rusiyadan yaxınlarının göndərdiyi vəsaitlərin hesabınadır”.

"Xeberinfo.com":   Məlumata görə, bu sözləri deputat Fazil Mustafa öz Feysbuk hesabında qeyd edib. Deputat bildirib ki, rayonlarda insanların yaşayış səviyyəsi xeyli aşağıdır:

“Yollar çəkilsə, abadlaşdırma işləri aparılsa da, məşğulluq səviyyəsi aşağı olduğuna görə regionlarda sadə vətəndaşların az-çox ayaqda durması əsasən Rusiyadan yaxınlarının göndərdiyi vəsaitlərin hesabınadır. Büdcə təşkilatlarında da maaş o qədər yüksək deyil ki, orta standartlarda yaşayış imkanı qazansınlar. Bununla belə, yerli icra orqanları alış-verişlə ailəsini dolandıran insanlara qarşı daha həssas davranmalıdırlar. Qazax rayonunda mağazaların adından “türk” sözünün çıxarılmasına da bu qəbildən yanaşıram. Guya içdiyimiz suyu bulağın özündən doldurub gətirirlər ki? Moskava konfetini Dağıstanda hazırlayıb ölkəyə ötürürlər. İçkilər də, siqaretlər də eləcə. Hamı bilir ki, malların əksəriyyəti Çin istehsalıdır. Guya Bakıda mağazalarda 50%, 70 % endirim yazırlar, bunların həqiqətəuyğunluğu var? Hər şeyimiz düz idi, bir qalırdı “türk” sözünün insanlarımıza zərər vurması. Sahibkarın iradəsinə zidd olaraq reklamlardakı sözlərin silinməsi yolverilməzdir”.