“Ailə TV” kabel televiziyası ilə bağlı növbəti şikayət var.

Xeberinfo.com:   Məlumata görə, İsa İsazadə adlı abunəçi “Facebook” səhifəsində narazılıq edib. Onun sözlərinə görə, “AiləTv"-yə qoşulub, sentyabr və oktyabrda iki ay ödəniş edib: “Amma iki ay içində gəlib qoşmadılar. Əvvəlcə damın açarı tapılmır, sonra işçilər ərazidə deyil, sonra da sabah-sabah deyə yola verdilər. TV paketini ləğv etdirdim”.

Müştəri qeyd edib: “İki gün əvvəl zəng elədilər ki, sizin 2 aylıq TV borcunuz var. Ləğv etdirdiyim halda onların mənə borc yazma haqqı var? Birinci ay ödədim onda qoşmadılar, dedilər ki, damın açarı yoxdu. Sonra yenə gedib tələb elədim, dedilər ki, açarı tapmışıq, ən gec 4 gün müddətində qoşulacaq. Mən də həmin vaxt internet və TV paketinin pulunu bir yerdə verdim. Fikirləşdim ki, nə də olsa, 4 günə qoşulacaq. Amma yenə faydası olmadı. İnternetdən istifadə elədim. Amma əvvəlcədən deyim ki, onların pulu ayrı-ayrılıqda hesablanır. Axı onların ödənişi ayrıdı, qəbz də ayrı verilir?!”

Redaksiyadan:  Qarşı tərəfin də mövqeyini dərc etməyə hazırıq.