Milət vəkili Siyavuş Novruzov Milli Məclisin bu gün keçirilən plenar iclasında daxili və xarici qüvvələrin Avropa Oyunları qarşı kampaniya apardıqlarını qeyd edib.

"Xeberinfo.com":  Məlumata görə, S.Novruzov qeyd edib ki, bu yaxınlarda korrupsiya məsələləri ilə bağlı “araşdırma” aparan komissiya Azərbaycanı korrupsiyada ittiham edib: “Azərbaycanda korrupsiyaya qarşı çox ciddi mübarizə aparılır. Bununla bağlı Korrupsiyaya Qarşı Mübarizə Baş İdarəsi də yaradılıb və onun fəaliyyəti də ortadadır. Bütün bunlar təsadüfi deyil. Hamısı Azərbaycana qarşı təzyiqə, Avropa Oyunlarına mane olmağa yönəlib. Bu qüvvələrin başında da ermənipərəst dairələr dayanır. Ancaq nə qədər cəhd etsələr də ermənipərəst dairələlərlə əlbir olanların niyyətləri baş tutmayacaq”.

Spiker Oqtay Əsədov isə S.Novruzova belə cavab verib: “Ermənilər özləri bu idman oyununda iştirak edəcəklər. İndi ehtiyac varmı bunun müzakirəsinə? Bu, millət üçün bəllidir. Yarışa qarşı çıxanlar ermənilərdən də betərdir” (“Qafqazinfo”).