Redaktor seçimi
Rusiyanın dəyişməyən Qarabağ siyasəti-
Valyuta müharibələri:
Dövlət qurumlarının informasiya resurslarındakı nöqsanlar-
“Dövlət baba” SOCAR-a əl gəzdirir-
“Tunelin sonundakı” sülh
Cavid Qurbanov ölkədən daha çox pul çıxarıb... -3000 avroluq masajçı qadınlar və daha nələr-
Kəmaləddin Heydərov ölkədən 28 milyard pul çıxarıb -
AZƏRBAYCAN-TÜRKMƏNİSTAN DANIŞIQLARI MƏXFİ APARILIB - 
Günün xəbəri

Rusiya sülhməramlılarının həddi...-"ilana zəhər verən kərtənkələlər" var

 

 

           

              Rusiyanın Dağlıq Qarabağdakı fəaliyyəti sülhməramlılıq çərçivəsindən kənara çıxır 

Yenixeber.org: Ali Baş Komandan İlham Əliyevin rəhbərliyi ilə qəhrəman əskər və zabitlərimizin təcavüzkar, mənfur, faşit, işğalçı ermənilər üzərində hərb meydanında qazandığı möhtəşəm qələbə diplomatik-siyasi müstəvidə davam etməkdədir. Azərbaycan, Rusiya və Ermənistanın ali rəhbərlərinin Dağlıq Qarabağda atəşkəsin dayandırılması ilə bağlı noyabr ayının 9-da imzaladıqları bəyanata uyğun olaraq noyabrın 25-də Kəlbəcər rayonu, bir güllə də atılmadan, işğaldan azad edilmişdir! İnanırıq dekabr ayının 01-dək əziz Laçınımız da mənfur düşmənlərdən azad ediləcəkdir. Həm hərb, həm də diplomatik-siyasi meydanda Azərbaycanın əldə etdiyi qələbələr bir daha göstərdi ki, Azərbaycanla təkbətək mübarizədə Ermənistan heç kimdir! Bir daha aydın oldu ki, nankor, bütün insani hisslərdən məhrum olan ermənilər indiyədək əldə etdikləri "nəaliyyətlərinə" yalnız xristian, türk düşmənçiliyi mövqeyindən çıxış edən xarici himayədarları sayəsində müvəffəq olmuşlar. Ancaq ermənilər deyəsən hərb və diplomatik meydanda aldıqları ağır məğlubiyyətlərdən dərs almaq fikrində deyillər. Yenə də qisasdan, üzdəniraq "Arsax"ın müstəqilliyindən dəm vururlar və bu məqsədlərinə çatmaq üçün yenə də xarici himayədarlarına ümid edirlər.

Belə ki, Rusiyanın “TASS” agentliyinə verdiyi müsahibədə Nikol Paşinyan Qarabağ münaqişəsinin uzumüddətli olduğunu nəzərə alaraq rusiyalı sülhəmramlıların qalacağı müddətin 5 illə kifayətlənməyəcəyini, Dağlıq Qarabağın statusunun ATƏT-in Minsk qrupu çərçivəsində aparılacaq danışıqlar zamanı müəyyən olunacağını söyləyib. Prezident İlham Əliyev demişkən "Paşinyan kimdir ki" özbaşına bu cür iddia irəli sürsün? Deməli hələ də "ilana zəhər verən kərtənkələlər" var. Göründüyü kimi, Daqlıq Qarabağın təmamilə, de-fakto, dövlətimizin nəzarətinə keçirilməsi üçün Azərbaycanı diplomatik cəbhədə gərgin mübarizə gözləyir. Fikrimcə, ilk növbədə, 30 ilə yaxın Daqlıq Qarabağ münaqişəsinin sülh yolu ilə həllində 1 sm də olsa irəliləyişə nail olmayan, qəti ermənipərəst Fransanın təmsil olunduğu ATƏT-in Minsk Qrupunun vasitəçiliyindən birdəfəlik imtina etmək lazımdır! Eləcə də, sülhməramlı funksiyasını öz üzərinə götürən Rusiyanın hərəkətləri də, nəzərdən qaçırılmamalıdır. Müşahidələr göstərir ki, Rusiyanın Dağlıq Qarabağdakı fəaliyyəti sülhməramlılıq çərçivəsindən kənara çıxır. Sülməramlılar özlərini Dağlıq Qarabağın idarəçiləri kimi aparır, orada bərpa-quruculuq işləri həyata keçirir və bu sahədə üzdəniraq "Arsax"ın "prezidenti" ilə sıx əməkdaşlıq edirlər, "qaçqın erməniləri" müxtəlif yollarla Qarabağa daşımaqla onların gələcəkdə "status" iddialarına əsaslar yaratmağa cəhd edirlər. Bu cür hərəkətlərin qarşısının alınması üçün Xankəndində, Əskəranda, Ağdərədə, Xocalıda, Xocavənddə Azərbaycanın mülki idarəçiliyi tezliklə bərpa edilməli, bu ərazilərdə Azərbaycan qanunları tətbiq edilməlidir! Dağlıq Qarabağ Azərbaycandır, bu belədir və belə də olacaqdır! Bunu hər kəsin qəbul etməsi lazımdır! İnanırıq ki, xalqımızın möhtəşəm birliyinə, güclü silahlı qüvvələrimizə, qardaş Türkiyənin hərtərəfli dəstəyinə arxalanan, kifayət qədər siyasi və diplomatik təcrübəyə malik olan, nəyi nə vaxt həll etməyi yaxşı bilən Prezident İlham Əliyev diplomatik-siyasi mübarizədə də Azərbaycanın tam qələbəsini təmin edəcəkdir!

Teyyub Qənioğlu: Təkamül Partiyasının sədri 

шаблоны для dle 11.2

Yeni xəbərlər

Reklam

Reklam

{sape_links}{sape_article}