Neftin qiymətinin enməkdə davam etməsi və Rusiya rublunun çökməsi manatın devalvasiyasına səbəb olmayacaq.

"Xeberinfo.com":  Məlumata görə, Mərkəzi və Şərqi Avropada, Yaxın Şərqdə Standard Bankın, Afrika iri bank qrupunun strategiyası üzrə məsul ekspert Demetrios Efstafiu bu fikirdədir.

“Hazırkı Azərbaycan manatı əvvəllər dəyərdən düşməyib, indi düşüb-düşməyəcəyi böyük sual altındadır”, – “Amerikanın səsi” onun sözlərindən sitat gətirib.

Azərbaycan valyutasının qiymətdən düşməsi ehtimalı var, lakin hadisələrin bu cür gedişi daha çox Qazaxıstanda mümkündür.

“Azərbaycan keçmiş sovet respublikaları arasında daha etibarlı balansa malik ən böyük neft ixracatçılarından biridir və son on ildə dünyada ən sürətlə inkişaf edən iqtisadiyyata malikdir”, nəşr qeyd edir.

Bazarlar növbət üç-altı ayda təngənin daha 20% devalvasiya olacağını gözləyirlər. Qazaxıstan valyutası ötən il 19% qiymətdən düşmüşdü.

Eyni zamanda bu, Ermənistan dramına, Gürcüstan larisina da aiddir. Analitiklər həmin ölkələrdə istiqraz bazarı ilə yanaşı bu valyutaların da enməkdə davam edəcəyini gözləyirlər.

“Görünür, rublun məzənnəsinin və neftin qiymətinin enməsi bu ölkələrə güclü təsir göstərir” , – Niderland Rabobank-da inkişaf etməkdə olan bazarlar üzrə strateq Pyotr Matis bildirib.

Qazaxıstanın neft gəlirlərindən asılılıq xarakteristikası Azərbaycandakı vəziyyətdən kifayət qədər fərqlənir. Xüsusilə, bu, məzənnə siyasətində əksini tapır. /”contact.az”