AZ
RU
İdmançılarımız dünya kuboku qazandı
Rusiyanın Anapa şəhərində keçirilən Dünya Kubokunda Azərbaycan Kikboksinq Federasiyasının idmançıları uğurlu nəticələr əldə ediblər.
"Xeberinfo.com": Məlumata görə, bu barədə məlumatı AzNews.az-a federasiyanın gənclər və yeniyetmələrdən ibarət yığma komandasının baş məşqçisi Ehram Məcidov verib. Bildirib ki, 51 kq üzrə Çingiz Əhmədzadə, 51 kq üzrə Anar Məmmədov, 57 kq-da Ramiz Məmmədov qələbə qazanmaqla Dünya Kubokunun sahibi olublar.
Bundan əlavə, 67 kq-da döyüşən Alim Qasımov 2-ci yer, 81 kq Şikar Bədəlov 3-cü yer, 86 kq Tapdıq Yusifov 2-ci, 91 kq Orxan Məlikov 2-ci,91 kq Vüqar Cavadov 2-ci yeri qazanıblar.
Onu da qeyd edək ki, WAKO PRO 57 kq çəki dərəcəsində olan Ramiz Məmmədov çeçen idmançısı Buvaysar Pasxayevla peşəkar döyüş keçirərək qələbə qazanıb. Bununla WAKO PRO Peşəkar turnirinda aktivinə bir xal qazandırıb.
