Redaktor seçimi
Kənd Təsərrüfatı Nazirliyinin rəhbərliyində "soyuq" savaş - Fəda Abbasov Sərvan Cəfərovla Elçin Zeynalova qarşı -
Emin Əmrullayevin menyusuna: Göyçay şəhəri 7№-li orta məktəbin öz qanunları var –
“Veysəloğlu”nun toz basmış vitrinləri…- Şirkətin sahibi Aydın Talıbov kimdir ? -
Goranboy Rayon Mədəniyyət Sektorunda İsax Məmmədov hakimi-mütləqliyi:
Səfərbərlik və Hərbi Xidmətə Çağırış üzrə Dövlət Xidmətinə xatırlatma:
Siqaret və dərman oliqarxı: Cavanşir Feyziyev Londonda itirdiyini Gürcüstanda qazanır –
Gəncə Dövlət Universitetinin rektoru prezidentin əleyhinə gedir(?):
Ağalar Vəliyev üçün yolun sonu göründü: "Qobu Park" rəzilliyi onun deputat karyerasını bitirir -
Günün xəbəri

Baş Prokurorluq qarşısında aclıq aksiyası - FOTOLAR

acliq-aksiya

 

Çərşənbə günü bir qrup sakin Baş Prokurorluq qarşısında toplanaraq şikayətləri həll olunmayana qədər qurum qarşısında aclıq aksiyası keçirəcəyini bəyan edib.

Xeberinfo.com:   Müxtəlif şikayətləri olan 10-dan artıq adam oturaq aksiyaya başlayandan bir qədər sonra əraziyə polis qüvvələri cəlb olunub və sakinlərə prokurorluq əməkdaşları ilə görüşmək təklif edilib. Lakin sakinlər “indiyə qədər görüşmüşük bir nəticə olmadı” deyərək təkliflə razılaşmaqdan imtina ediblər, hadisə yerində olan BBC Azərbaycanca müxbiri müşahidə edib.

Baş Prokurorluqdan şikayətlərlə bağlı açıqlama almaq hələ ki, mümkün olmayıb.

“Gecə-gündüz qalacağam”

Şikayətçi Alya Təmrazova deyir ki, o iki dəfə “dövlət məmurları tərəfindən qanunsuz olaraq küçədən oğurlanaraq psixiatriya xəstəxanasına yerləşdirilib”. Qadının iddia etdiyinə görə, oğlu Səbail Rayon prokurorluğu “hesabına” onun mülkünə sahib çıxmaq istəyirmiş.

02

“Respublikanın baş prokuroru məni 5 dəfə, onun müavini 8 dəfə, Bakı şəhər prokuroru 83 dəfə qəbul edib, amma 6 il ərzində məni hələ də zərərçəkmiş kimi tanımayıblar. Baş prokuror Zakir Qaralov Səbail rayon Prokurorunun korrupsiya, rüşvətxorluq və adam oğurluğu ilə törətdiyi cinayətləri ört-basdır edir”, deyə şikayətçi “bu günə qədər bir dəfə üzləşdirmə olmayıb, bəs bunlar nəyi araşdırırlar” deyə sual edir.

Xanım Təmrazova əlavə edir ki, problemi həll olunmayana qədər qurum qarşısında aclıq aksiyası keçirəcək və “gecə-gündüz orda qalacaq”.

“Aclıq elan edirəm”

Digər şikayətçi Təranə Xanəlizadə deyir ki, onun oğlu “sübut olmadığı halda” ölüm faktında ittiham olunur və hazırda 5 aydır ki, təcridxanada saxlanılır. Xanımın dediyinə görə, istintaq oğlunun cinayətdə iştirakını kamera görüntüləri ilə sübut edib, lakin ekspertlərin verdiyi rəydə bu ittiham öz təsdiqini tapmayıb.

03

“Paltarların lifi yox, qan yox, bıçaq yox, kameradakı da oğlum deyil. İndi prokurorluğa mənfidir ki, [oğlumu tutmaqla] qanunsuz iş görüblər. Baş prokurorluqda fəhlədən nazirə qədər məni qəbul edib, amma nəticə yoxdur”, deyə ana oğlunun istintaq zamanı işgəncələrə məruz qalmasından danışır. “Aclıq elan edirəm, mən. Öz uşağıma görə qalacam burda aylar, illərlə.”

“Saxta diaqnoz”

Şikayətçilər arasında olan digər qadın, Sevda Süleymanova, həyat yoldaşının keçmiş Milli Təhlükəzilik Nazirliyinin əməkdaşı tərəfindən şərlənərək həbsə atılmasından gileylənir.

Onun dediyinə görə, həyat yoldaşı uzun illər tikinti sahəsində çalışıb və sonuncu şirkətdə işləməsi üçün 6 milyon 600 manat vəsait yatırıb, ancaq özünün dediyinə görə bu şərtlə ki, tikinti bitəndən sonra onun pulu satışdan əldə olunan gəlirlə qaytarılacaq. 2012-ci ilin fevralında işdən çıxandan sonra pulunu geri istəyib və həmin ilin noyabrında o pullarının geri qaytarılması üçün görüşə dəvət olunub.

“Yoldaşıma ofisdə məcbur ediblər ki, ərizə yazsın guya ki, şirkətdə nə çatışmamazlıqlar var guya mən etmişəm, qanunsuz evlər satmışam və onu qorxudub ərizəyə imza atdırıblar”, deyə Süleymanova hazırda həyat yoldaşına 9 il 6 ay həbs cəzası təyin olunduğunu deyir.

04

Digər şikayətçi Lətifə Zeynaladdinova deyir ki, onu da “saxta diaqnozla psixiatriya xəstəxanasına” yerləşdiriblər. Dediyinə görə, sağlam olması haqqında rəy çıxarılandan sonra o xəstəxananı tərk edərək evinə gəlib və məlum olub ki, birinci nigahdakı ögey oğlunun qayınatası qadının adına olan, Hökməlidə inşa etdiyi evi və ziynət əşyalarını satıb.

Qadının sözlərinə görə, o evinə girərək mənzilini tələb edəndə “polislər onu döyüb”, birinci nigahdan olan qohumları azyaşlı qızını “əsir saxlayır” və tələbini irəli sürüləcəyi halda qadını yenidən xəstəxanaya göndərməsi ilə bağlı hədələyiblər.


Facebook-da paylaş

Yeni xəbərlər

Reklam

Reklam