AZ
RU
Neft ehtiyatları sürətlə azalır -Dünyada
Mövcud neft ehtiyatları və neftlə yüklənmiş gəmilərin məcmu həcmi 3 aprel tarixinə 812 mln. barel təşkil edib.
Yenixeber.org: “Forexpf.ru” saytına istinadən xəbərə görə, bu açıqlama ilə ABŞ-ın “Vortexa” informasiya-araşdırma şirkətinin neft sektoru üzrə analitikləri çıxış ediblər.
Şirkətin hesabatına görə, 2017-ci il yanvarın 1-nə məcmu qlobal neft ehtiyatları 978 mln. barel təşkil edib. Bu da ilk rübdə ehtiyatların 166 mln. barel və ya 17% azaldığını göstərir. “Vortexa”nın ekspertləri neft ehtiyatlarının gözlənildiyindən daha sürətlə azaldığını bildiriblər.
Qeyd edək ki, bugünkü proqnoz hesabatında Fransanın “BNP Paribas” bankı neft qiymətlərinin 2017-ci ilin III rübündə 65 dollar/barelə qədər yüksələcəyini qeyd edib. Hazırda “Brent” markalı neftin qiyməti 53,60 dollar/barelə bərabərdir.
.jpg)
