Qarabağdan çıxarılan rus qoşunları Ukraynaya göndərilə bilər
Bu həftə Rusiya sülhməramlı qüvvələrini Qarabağdan çıxarmağa başlayıb.
Yenixeber.org: Sülhməramlılar texnikaları ilk birlikdə dəmir yolu vasitəsilə Dağıstana daşınır.
Almaniyanın "Bild" nəşri yazır ki, bu kontingentin Ukraynaya göndərilə biləcəyi ilə bağlı narahatlıqlar var.
“Sülhməramlılar onlarla nisbətən yeni BTR-82A zirehli transportyorları ilə silahlanmışdılar. Ukraynada cəbhə xəttində Rusiya ordusunun müasir piyada döyüş maşınlarına və zirehli transportyorlara ciddi ehtiyacı var", - məqalədə deyilir.
Xatırladaq ki, 2020-ci il noyabrın 10-da imzalanmış üçtərəfli Bəyanata əsasən, Azərbaycan Respublikasının ərazisində müvəqqəti olaraq yerləşdirilmiş Rusiya Federasiyası sülhməramlılarının ölkəmizin ərazisindən vaxtından əvvəl çıxarılması barədə hər iki ölkənin ali rəhbərliyi tərəfindən qərar qəbul edilib.