AZ
RU
Türkiyə Silahlı Qüvvələri daha 12 PKK-çını zərərsizləşdirib
“Yenixeber.org” MKRU-ya istinadən xəbər verir ki, Türkiyə Milli Müdafiə Nazirliyi Suriyanın şimalında qadağan olunmuş Kürdüstan Fəhlə Partiyasının (PKK) 12 silahlısının zərərsizləşdirildiyini açıqlayıb. Bu barədə nazirliyin rəsmi nümayəndələri Twitterdə yazıblar.
Türkiyə ordusunun məlumatına görə, “terrorla mübarizə” davam edir. Qeyd edildiyi kimi, “Zeytun budağı” və “Sülh mənbəyi” əməliyyatları ilə bölgədə sülh və təhlükəsizliyi pozmaq üçün hücuma keçmək üzrə olan 12 PKK terrorçusu məhv edilib.
Xatırladaq ki, PKK ilə silahlı münaqişə Türkiyədə 1984-cü ildə başlayıb və 2015-ci ildə yenidən kəskinləşib. PKK bazaları Türkiyə Silahlı Qüvvələrinin havadan və qurudan əməliyyatlar apardığı İraqın şimalında yerləşir.
.jpg)
