AZ
RU
Ukraynadan Rusiyaya aparılan uşaqların sayı AÇIQLANIB
Bazar ertəsi 11,500-dən çox insan, o cümlədən 1847 uşaq Kiyev hakimiyyəti ilə danışıqlar aparılmadan Ukraynadan Rusiyaya aparılıb.
Yenixeber.org: Bu barədə Rusiya Müdafiə Nazirliyi tərəfindən məlumat yayılıb.
Qeyd edək ki, bu rəqəmə Ukraynada Rusiyanın dəstəklədiyi separatçı bölgələrdən, Rusiyanın işğala başlamazdan əvvəl müstəqil dövlət kimi tanıdığı qondarma Donetsk və Luqansk xalq respublikalarından evakuasiyalar daxildir.
Rusiya tərəfindən vətəndaşların öz xahişi ilə təxliyə edildiyi bildirilib. Ukrayna isə Moskvanın müharibə başlayandan bəri minlərlə insanı zorla Rusiyaya deportasiya etdiyini açıqlayıb.
Rusiya Müdafiə Nazirliyindən verilən məlumata görə, fevralın 24-dən indiyədək 200 minə yaxın uşaq və 1,1 milyon insan Ukraynadan Rusiyaya təxliyə edilib.
