AZ
RU
"Ağlama Şəhidim" Təranə Şəms
Ağlama Şəhidim
Torpağım gileyli Şəhid ağlayır,
Yorulub ruhları yorğundur onlar.
Ürəkləri yaralı, sinə dağlayır,
Rəngləri saralıb solğundur onlar.
Ağlama Şəhidim, ağlama balam,
Sənin Şəhid adına Vətən ucalır.
Sinəmiz dağlıdır, dağlama balam,
Düşmənə tuşlanan silah səs salır.
Şəhidim ölmədi nədən dərd çəkir,
Gözləyir düşmənlər nə vaxt öləcək?
Qanıyla torpağa milli ruh əkir,
Qaçqınlar torpağa nə vaxt dönəcək?...
Baxır ki, bu millət yatıb laylaya,
Ayılmır, ayılmır yuxusu dərin.
Biganə qalıbdır səsə, haraya,
Meh vurur üzünə könlüdür sərin.
Ağlama Şəhidim duy, eşit məni,
Bu millət yuxudan oyanıb artıq.
Sirlər də açılıb uyarım səni,
Könüllər nurunla boyanıb artıq.
Uyu sən, rahatca Vətən sənindir,
Ananın qoynunda yatginən rahat.
Əyninə biçilən kəfən sənindir,
Ruhunla göylərdən baxginən rahat.
Az qalıb, az qalıb qələbə bizim,
Yürüşə hazırıq sözdür silahım.
Bu yolda mənimdə qalacaq izim,
Vicdanım təmizsə qalmaz ki, ahım.
(5).jpeg)
