AZ
RU
Təranə Şəms"Əlvida Anam"
"Əlvida Anam"
Yenixeber.org: Təranə Şəmsin yeni "Əlvida Anam" şeirini xuculara təqdim edirik:
Gözlərim hər yerdə axtarır səni,
Boynuna sarılıb ağlamaq üçün.
O qara örpəyi sən verdin mənə,
Ağaran başıma bağlamaq üçün.
Dilimin yanğısı canımsan Ana,
Nəfəsin gülətri bağımsan Ana.
Qoxunu burnumda qoyub getmisən,
Könlümü yandıran dağımsan Ana!
Deyirlər sevənlər vəfasız olur,
Sən necə vəfasız oldun balana?
Əlini, əlimdən üzüb getmisən,
Nədən axı zülm etdin sənə yanana???...
Ay Ana, yanımda olsaydın kaşki,
Başımı qoysaydım dizlərin üstə.
O qəmli gözündən doysaydım kaşki,
Qarşında çökərdim dizlərim üstə.
Vəfasız sən deyil, dünyadır Ana,
Hər kəsi əliboş yanda saxlayır.
Bu dünya fanidir, xülyadır Ana,
Ölümü qaşaltda, anda saxlayır.
Dünyaya gələnin vaxtı bilinmir,
Bilinmir vədəsi taxtı bilinmir,
Alnına yazılan baxtı bilinmir,
Analar, əlvida, Anam əlvida!!!...
Təranə Şəms. 08.10. 2019
