AZ
RU
Oyan daha
Silahımdır sözüm mənim,
Hədəf seçib gözüm mənim.
Ay millətim, keç səbrdən,
Daha demə dözüm mənim...
Meydan əcəb gendi bizdən,
Keçir iynədən, bizdən.
Adam seçmək çətin olub,
Boşanıbdır əyri düzdən.
İnsan gördüm, ruhu bölük,
Sözü yalan, nəfsi dönük.
Rüşvət olub pul yağışı,
Göz bərəlir, daha böyük.
Lovğalanar mən beləyəm,
Bilmədiniz bəs kələyəm!?...
Mən ağayam, siz də nökər,
Xəlbir deyil, həm ələyəm.
Yerin bəlli, köz üstəsən,
Altın yanır, bax, üstə sən.
Gəl adınla öyün bir az,
Baxmaq üçün goz istə sən.
Ağlım çaşıb, başım itib,
Xəyalımda çovğun bitib.
Axı nədən susursan sən?...
Düşünmə ki, hər şey bitib!...
Vətən deyir susmayın siz,
Ac qarına qusmayın siz.
Qışda dönən quşlar kimi,
Məndən yana uçmayın siz.
Ağla anam, ağla vətən,
Geyinmisən qara kəfən.
Oğulların üz qarası,
Oyan daha bu qəflətdən!
Təranə Şəms 11.01.2019
(5).jpeg)
