AZ
RU
.jpg)
Qiyamət qopar
Yenixeber.org:
Çarəsiz qalanda söz boğur məni,
Qəhərtək dövr edir damarımda qan.
Anam da çaşıbdı, tez doğub məni?...
Bilmədi yük idi bu canıma can?...
Göz yuma bilmirəm qaranlıqlara,
Fikrimin başında bir nida durur.
Yatan göz alışsa toranlıqlara,
Hər əqlin zəkası bir bina qurur.
Düşünən olubmu, görən mən kiməm,
Tamamı yarımçıq, natamam nədir?...
Özündən soruş ki, nəyə hakiməm,
Əllərim boşdusa, bəs xətam nədir?...
Maskalı kölgələr suya düşəndə,
Çağlayan çeşmələr durulmaz olar.
Arayıb eybini səf-səf düzəndə,
Düyünlər barmaqla vurulmaz olar.
Hər düyün açılmaz, dolaşıq düşsə,
Əlini tərpətsən üfunət qoxar.
Tarixə bir gediş, bir soraq etsək,
Millətin adına qiyamət qopar.
Təranə Şəms. 21.09. 2018
.png)
.jpg)
