Xarici qəsbikarların təsiri ilə zaman-zaman qədim torpaqlarımızı,tariximizi,milli adət-ənənələrimizi,adımızı,soyumuzuitirmişik.İllərlə yad təsirlərdən qurtarıb,itirdiklərimizi bu günə kimi qaytara bilməmişik.Ona görə ki,unutqanıq,hər şeyə bizim deyilmiş kimi ötəri baxırıq.

Yenixeber.org: Dedik,70 il imperiyanın boyunduruğunun altında olmuşuq.Zorən tarixi yer-yurd adlarımız kimi soyumuzu da dəyişiblər.Artıq neçə illərdir ki,imperiyanın iti caynağından qurtarmışıq,müstəqil olmuşuq.Tarixi yer-yurd adlarımızı qismən də olsa özünə qaytarmışıq.Amma hələ də köhnə adlardan bir dəfəlik qurtara bilməmişik.

Qaldı soyadlarımıza...Tarixin gərdişindən 50 milyonluq Azərbaycan xalqı səpələnib dünyanın dörd tərəfinə.Hər tərəfdə də müxtəlif soylarla.Arazın o tayında “pur”lar,”zadə”lər bu tərəfində “ov”lar,”yev”lər və nə bilim,daha nələr.Nə o tərəf farsdan qopub türkləşir,nə bu tərəf rusdan... C.Məmmədquluzadənin sözü olmasın,yazıq və biçarə millət qalıb çıxılmaz yolda.

32 il bundan qabaq tarixin təkəri geri dönöndə sevindik ki,daha bizə kimsə bata bilməyəcək.Öz kökümüzə,öz soyumuza dönəcəyik.Döndükmü? Yox,dönmədik.Dönməyəcəyik də.Ona görə ki,hakimiyyətdə olan partiyanın bir nəfər də olsa,aparıcı şəxsi “ov”dan,  “yev”dən ayrılmayıb.Əgər sabah YAP-ın sədri,ölkə prezidenti göstəriş versə,bunun partiya üzvüləri bir gecənin içində bashabasla soyunu yox,lap atasının adını da dəyişər.Məgər bizim türk olmamız üçün mütləq prezidentin fərmanınamı ehtiyac var? Ölkə Anayasası hər bir vətəndaşa imkan verir ki,istədiyi soyadı seçsin.Bu halda yuxarıdan göstərişə ehtiyac varmı?

Doğrudur,müstəqilliyimizin ilk illərində bəzi insanlar soy adlarının axırına “li”, “lı”, “lu”, “lü”və sairə şəkilçiləri artırdılar.Çox təəssüf ki,bu, kütləvi hal almadı.Bir də harın,millətini sevməyən məmurlar soyadı dəyişdirməkdə o qədər manelər yaradıb ki,heç kim bu maneləri dəf etməyə çalışmır.

  Çox maraqlıdır,bütün millətlər soyadları ilə çox asanlıqla tanınır.Amma biz tanınmırıq.Bunun üçün də hamı bir vətəndaş olaraq müqəddəs borcunu yerinə yetirməli və bacardığı qədər mübarizə aparıb soyadlarını dəyişdirməyə qalxmalıdır!

MƏHƏRRƏM ŞƏMKİRLİ