AZ
RU
HAVAYI
"Xeberinfo.com":
Qərarlaşam gözlərinin içində
Görmiyəsən heç nə məndən savayı
Qəlbim həsrət gülüşünə, nazına
Nə bəxş etdin mənə qəmdən savayı?
Günlər keçdi, həftə bitdi, ay oldu,
Bahar ötdü, hava qızdı, yay oldu.
Saç ağardı, bel büküldü,yay oldu.
Kim etdi ki, bunu səndən savayı?
Vüsalının mən başına dolandım
Hicranının alovuna qalandım
Baxışınla zaman-zamaı talandım
Ötüb getdi ayım, ilim havayı.
Vəfasiza sədaqətdən danışdım
Yandırmadı öz-özümə alışdım
Ömrüm boyu heç belə olmamışdım
Qabar oldu ağzım-dilim havayı.
Dərdə düşüb Şahid sənin qəmindan.
Məst olmayıb heç bircə an dəmindən.
Gün görməyib öz sevgi aləmimdən
Qorxuram ki, vaxtsız ölüm havayı.
(5).jpeg)
