AZ
RU
.png)
HƏM DOSTUMSAN, HƏM DƏ SEVGİLİM!
"Xeberinfo.com":
Bir qız gördüm,getdi qəmim,nisgilim,
Əvvəl dostum oldu,sonra sevgilim,
Ötdü xeyli zaman,soruşdu məndən,
Biz dostluq,sevgili,söylə mən bilim!
Dedim:
Bünövrə dostluqdu,barısı sevgi,
Yarısı dostluqdu,yarısı sevgi,
Pətəyə oxşardi münasibətimiz,
Pətəyi dostluqdu,arısı sevgi.
Dedi:
Sən özünə bənzədirsən arını,
Arı sevər çiçəkli baharini,
Bir gün qış yazdırsa bəyaz qarını,
Mütləq tərk edəcək öz diyarını.
Dedim:
Vətənim də sənsən,pətəyim də sən,
Baharım da sənsən,çiçəyim də sən,
Yəni,fərqi yoxdu dağdı,arandı,
Ya bahardı,ya qışdı,ya borandı,
Hər yerdə,hər zaman,üreyimdəsən!
Gülərək başını qoydu sinəmə,
Dedi:
-Sus,danışma,hec nə söyləmə,
Səndən bir istəyim var,ey sevgilim,
Qoyma bircə an da qərq olum qəmə!
Dedim:
-Həm dostumsan,həm də sevgilim,
Həmdəmin etmərəm kədəri,ahı,
Səninlə ötəcək hər ayım,ilim,
Yerdə səni sevdim,göydə Allahı.
Mətləb Tənha
.jpg)
