AZ
RU
"Ruhsuz budadım"
Ey məni dünyaya bəxş edən Allah,
Yazdığın bəxtimi qara boyadın.
İnsanam, adımı şəxs edən Allah,
Yaşanmaz ömrümə yara doladın.
Hər yükün altında əzilsəm də mən,
Önündə əyilib təvəkkül etdim.
Doğranıb, qatbaqat kəsilsəm də mən,
Nə yazdın ömrümə, müvəkkil etdim.
Könlümdə yerin var, gözəl Allahım,
Mənimdə qəlbim var sevməz deyil ki?
Eşqimin sultanı sənsən Allahım,
Sevgindən bu ürək dönməz deyil ki?!...
Suallar qəlbimi söküb dağıdır,
Görəsən, Allahım məndən küsübdür?
Qədərim fələyin hansı dağıdır,
Dağılıb tifaqım, daşlar düşübdür.
Məni əta edib sevən Allahım,
Bilirəm, qısqandın məni sev deyə.
Rəhminlə daima övən Allahım,
Azmaram yolumu, həyat kef deyə.
Özümü sevmədim sən sevən qədər,
Könlümdə sönməyən ocaq qaladım.
Başımda dolaşan verdiyin qədər,
Mən niyə cismimi ruhsuz budadım.
.jpg)
