AZ
RU
"Nə yaşı var ki?!" -Təranə Şəms
Allahım, rəhmindi hər daim böyük,
Naşükür insandı imanı sönük,
Yaramaz, naxələf nizamı dönük,
Bağışla Allahım onu bağışla!
Qıyma sən, balaya ana ağlasın,
Başını yolaraq qara bağlasın,
Naləsi, fəryadı ürək dağlasın,
Rəhminlə bağışla, bağışla onu!
Yazıram əlimdə qələm titrəyir,
Dualar dilimdə ələm titrəyir,
Yanaraq, üşüyür, Kərəm titrəyir,
Yalvarıb deyirəm onu bağışla!
Nicat ve bu cavan murada yetsin,
Qoy sevsin, sevilsin yarını seçsin,
Ömürdən payı var, yaşayıb keçsin,
Rəhmin var Allahım bağılşa onu!…
Allahın ey qulu ətasan ondan,
Sevmədin özünü xətasan sondan,
Qohuma, qardaşa atasan sondan,
Sən zalım deyilsən, bağışla onu!…
Yaşayıb yaratsın nə yaşı var ki?!..
Binəsi yarımçıq, nə daşı var ki?!.
Öz uşaq aləmi, nə başı var ki?!…
Öz eşqin xətrinə bağışla onu!..
Bir eşqin xətrinə bağışla onu!..
