AZ
RU
Con Kirbi:ABŞ Ukraynada HHM sistemlərini artırmağı hədəfləyir
Vaşinqton Ukraynaya hərbi dəstəyin davam etdirilməsinə sadiqdir. ABŞ ölkənin hava hücumundan müdafiə vasitələri ilə təmin olunmasına böyük diqqət yetirir.
Yenixeber.org: Bunu Vaşinqtonda keçirdiyi brifinqdə Ağ Evin Milli Təhlükəsizlik Şurasının koordinatoru Con Kirbi deyib. O vurğulayıb ki, ukraynalılar digər ölkələrin təmin etdiyi hava hücumundan müdafiə sistemləri sayəsində son 2-3 gündə Rusiyanın atdığı qanadlı raketlərin əksəriyyətini vura biliblər.
Onun sözlərinə görə, Vaşinqton Ukraynanı əks-hücum əməliyyatına başlamaq üçün vasitələrlə təmin etmək üçün hər cür səy göstərib. Ağ Evin sözçüsü əlavə edib ki, ukraynalı müdafiəçilər demək olar ki, istədikləri hər şeyi alıblar. Söhbət zirehli texnika, artilleriya, hava hücumundan müdafiə sistemləri, döyüş sursatları, eləcə də Ukrayna hərbçilərinin təlimlərinin təşkilindən gedir.
.jpg)
