AZ
RU
Əsəd:İranla münasibətlərimiz çox yaxşıdır
Suriya prezidenti Bəşər Əsəd ölkəsinin İranla münasibətləri barədə danışıb.
Yenixeber.org: Suriyanın rəsmi SANA agentliyinə istinadən xəbər verir ki, o, iranlı həmkarı İbrahim Rəisi ilə görüşündə bu mövzuya toxunub.
"Suriya-İran münasibətləri regiondakı siyasi və təhlükəsizlik fırtınalarına baxmayaraq sabit və möhkəmdir. Bu fırtınalar bütöv bir ölkəni yerlə-yeksan etdi, lakin iki ölkə arasındakı əlaqə və münasibətlərlə bağlı ümumi baxışa təsir göstərə bilmədi", - deyə Əsəd söyləyib.
Qeyd edək ki, Rəisi 13 ildən sonra, Suriyada vətəndaş müharibəsi başlayandan bəri paytaxt Dəməşqə səfər edən ilk İran prezidentidir. Bu gün baş tutan səfər çərçivəsində iki ölkə arasında memorandum imzalanıb.
