AZ
RU
Araşdırma: Patogen mikroblar havada minlərlə kilometr məsafə qət edə bilər
İspaniya və Yaponiyadan olan beynəlxalq alimlər qrupu Yer səthindən 1 000 - 3 000 metr yüksəklikdə müxtəlif canlı göbələklər, bakteriya və viruslar aşkar edib.
Yenixeber.org xəbər verir ki, tədqiqat “Proceedings of the National Sciences Academy” (PNAS) elmi jurnalında dərc olunub.
Komanda Yaponiya ərazisi üzərində hava nümunələri toplayıb və laboratoriyada araşdırıb. DNT analizi 266 növ göbələk və 305 növ bakteriya olduğunu göstərib. Tədqiqatçılar tapılan mikroorqanizmlərin bir çoxunun insan sağlamlığı üçün təhlükəli olduğunu qeyd ediblər. Mütəxəssislərin fikrincə, havada olan mikroblar tez-tez bitki və torpaqda olur.
Alimlər mikrobların coğrafi yerləşməsi, tapıldığı hündürlük və onları daşıyan küləklərin sürəti səbəbindən əksəriyyətinin Çindən gəldiyindən şübhələnirlər. Bu o deməkdir ki, onlar azı 2 000 kilometr məsafə qət ediblər.
.jpg)
